［每次遲到我都聞到死亡嘅氣息］
話說今日係薪火行動義工training day
今朝由9點開始就每個鐘頭醒一次
可想而知我係有幾緊張幾期待
點知我坐定粒六諗住1點3先開始
我11點半先起身都未遲啦
點知正當我想落床個刻我接左個電話
「喂！死女包到邊啊？」
「我.....係床囉....」
「挽野啊你！11點開會啊！」
個一刻我成個人變左灰色...
天啊！！！點解我咁鬼死柒！
唔記得左要提早去開會😣(撞牆)
仲約左人食早餐(好彩被約個位都遲左起)
我就立即梳洗之後出門口喇！
出到去因為原先仲想慳錢坐飛van
行到van仔站先發現趕唔切要搭的士
但係果個位已經截唔到的士喇T_T
我真係好想死 緊張到完全抖唔到氣
最後！終於上到的士！我頓時覺得生命滿希望！
點知！司機知我要過海就叫我落返車:(
忽然覺得我又再近死亡多一步喇！
唔 通 連 個 天 都 唔 鍾 意 我 :(
結果係12:50我終於上到車喇!
仲25分鐘就去到銅鑼灣喇！
犀飛利呢～
多謝個位好多野講又幫我行紅隨慳錢又幫我走快路追時間嘅司機大佬
好啦 分享完每日一柒 我9up完喇
遲d再推薦大家參加黎梗嘅義工活動
張相係想紀錄在死亡邊緣緊張到抖唔到氣嘅面癱
Search